DOCUFAN

Sanjulián, el poder de la ilustración (David García Sariñena, 2021) 78’ España

Percorrido pola vida e obra deste espectacular artista, contada por el mesmo, cuxas ilustracións cautivaron ao mesmísimo George Lucas. Desde os seus máis afastados inicios como rotulista da Fox até a actualidade pasando pola súa etapa para Seleccións Ilustradas, a súa irrupción no mercado americano para James Warren, cuxos inesquecibles cómics de terror cautivaron a miles de lectores, e a súa explosión no mercado internacional ilustrando portadas de novelas para as máis importantes editoriais, entre elas as aclamadas historias de Conan.

El Sonido del Terror (Luis Esquinas, 2021) 62’ España

Documental sobre a importancia do Son no cinema e máis concretamente no cinema de Terror. A través do testemuño de técnicos e artistas da edición de son, os FX Foley, a música e a montaxe, descubriremos a importancia deste.

Interveñen: Teresa Font (montadora), Gabriel Gutierrez (deseñador de son), Antonio Asiáin (compositor de BSOs), Miguel Barbosa e Diego Sataub (foleys). Os dous últimos, galegos, integran o estudo Soundtroop.

Jack Taylor, Testigo del Fantástico (Diego López, 2018) 32’ España

Ao longo dunha extensa entrevista, o actor Jack Taylor repasa as anécdotas biográficas e as películas que fixeron del un rostro imprescindible do cinema de xénero.

Banda sonora orixinal de Buio Mondo.

Helga Liné, la Dama del Fantaterror (Diego López, 2020) 15’ España

En 1954, e grazas ao teatro, Helga Liné debuta en España. A partir da década seguinte, a actriz alemá despega na Sétima Arte. Péplum, policíaco, comedia, spaghetti western, eurospy, aventuras… ningún xénero resístese. Grazas ao cinema fantástico e de terror transfórmase na Dama do Fantaterror.

Banda sonora orixinal de Buio Mondo.