Sección competitiva adicada a curtametraxes non profesionais feitos en Galicia e nos que se esixe o uso do galego como idioma orixinal. Trátase dunha sección competitiva que busca as producións máis experimentais e arriscadas, onde o enxeño, a capacidade de inventiva e as narrativas non convencionais sexan capaces de ofrecer unha obra que optimice os recursos dispoñibles con talento, creatividade e sentido do humor. Este concurso está dirixido ás escolas de cinema que hai en Galicia para fomentar os xéneros cinematográficos de terror, fantástico e ciencia ficción en Galicia e, tamén, o uso do galego nas obras audiovisuais.
Esta é a selección oficial do Concurso Internacional de Curtametraxes “Fetus”
FUNDACIÓN LUIS SEOANE
SÁBADO 16 OUT 20:00H
Monte Bravo (Noelia Muiño, 2020) 14’ Galicia
Paula é unha nena que vive nunha aldea de Galicia tras a Guerra Civil. Un día, xogando co seu irmán Pablo, ve un home lobo. Pero é real, ou só un produto da súa imaxinación? A través da viaxe dos irmáns para atopar o home lobo, profundamos na soidade, a alegría e o medo entre os que se debaten.
Mare (Guille Vázquez, 2020) 7’ Galicia
Unha moza busca a alguén que entrou na súa casa cando se atopa no límite entre o soño e a vixilia. Baseado no cadro ‘The Painting’ de Henry Fuseli, ‘Mare’ describe unha parálise do soño segundo o mito do íncubo.
O que queda de nós (Miguel Gómez Abad, 2021) 17’ Galicia
Unha rapaza e a súa nai sempre saen xuntas a cazar. Ela é moi boa cas armas, pero a nai pensa que aínda non está lista. Un día de batida perden os cans e todo comeza a complicarse.
Canibalismo (Diego R. Aballe, 2021) 14’ Galicia
Adaptación dun texto do dramaturgo galego Marcos Abalde, Canibalismo trasládanos a unha noite fría na que dous homes dan voltas no seu coche até atoparse cun esmoleiro que dorme nun caixeiro automático abandonado. Un thriller sobre a natureza humana, o odio sobre o descoñecido, os xuízos morais e as certezas inmorais.
Cineris (Carlos A. Quirós, 2021) 14’ Galicia
Aurora diríxese como cada Noitevella a cear co seu irmán Vicente, ademais esta noite vai ser diferente; Vicente acaba de morrer e Aurora debe coidar o seu corpo. Sen axuda, a muller, nun estado marxinal e co apoio dun pequeno carriño de mercadorías, sae á rúa para ofrecerlle a Vicente unha merecida despedida. A través das concorridas prazas dun Ferrol decadente, Aurora só atopa curiosos e mozos coa intención de celebrar unha noite única. O fortuíto encontro cos festeiros termina converténdose na colaboración que Aurora necesitaba para honrar ao seu irmán cun torpe pero fermoso funeral.
Galego á medianoite (Martín Caínzos Sanmartín, 2020) 12’ Galicia
2002. Billy e Suyin son dous estudantes chineses de intercambio no Xapón. Na súa derradeira semana de clases obsesiónanse cunha retransmisión que aparece todas as noites no seu televisor noutro idioma… Nunca antes viran tal cousa.
DOMINGO 31 OUT 20:00h
Elas (Aaron Siebert, 2021) 19’ Galicia
Baseado en feitos reais, unha nena enfróntase á escuridade do século XX en Galicia e renace chea de forza ao converterse en anciá.
