Esta sección leva sendo o motivo principal da celebración do festival que ano tras ano aumenta en repercusión, xa que o premio principal recaeu nas pasadas ocasións en países tan diferentes como Irlanda, Australia, Noruega. Estados Unidos ou Finlandia.
A convocatoria faise mediante concurso público internacional (ao que se presentan unha media de 400 curtametraxes de todas as partes do mundo) por medio de plataformas de inscrición online.
O Primeiro Premio é outorgado por un xurado internacional, o Percebe Mutante de Bronce. O Segundo Premio, outorgado polo público asistente mediante votación en sala, consiste nun Percebe Mutante fabricado en resina e pintado a man por un artista galego.
Esta é a selección oficial do Concurso Internacional de Curtametraxes FKM2021
O xurado encargado outorgar o percebe de bronce está composto por: Nico Campos, Luis Sendón e Alberto Hortas. E na propia sala durante as proxección se votará o premio do público.
FUNDACIÓN LUIS SEOANE
1º SESIÓN- XOVES 21 OUT 20:00h
The Gatherer (Pedro Tamames, 2021) 4’ España
Estrea en España– Un camiñante enmascarado entra nun bosque de cartón recuberto de follas secas e moribundas. Cunha vella maleta de coiro na man, o camiñante pasea entre as árbores ata que algo lle sorprende: o son distante dunha frauta. Seguindo a melodía, atópase cun grupo de nenos do monte, correndo toleados ao redor dunha radio anticuada que, dalgunha maneira, chegou alí. A música da radio, distorsionada e violenta, afoga o son da frauta.
La senda (Roger Comella, 2021) 12’ España
Estrea en Galicia -Rita é unha pequena influencer con moi mala idea, penétrase no monte co teléfono móbil da súa nai e pérdea de vista e mentres Nesa busca a Rita por un labirinto de carreiros no bosque, tamén se perde ela mesma. Os alaridos dun gran animal retumban por todo o bosque.
La metafísica del asesino (Rubén Méndez, 2021) 19’ Galicia
Un profesor de filosofía en paro, derrotado polos seus continuos fracasos laborais, decide reconventirse e pór todo o seu empeño en iniciar unha nova profesión: Asasino a soldo.
Space Frankie (David Valero Simón, 2021) 17’ España
Estrea en Galicia– Paco é un pescador, serio e cunha relación distante cos seus veciños. Vive nun pequeno pobo que preferiu xerar ingresos por riba do benestar dos seus habitantes. O achado dun estraño artefacto cambiará radicalmente as relacións entre todos eles.
Carnívoro (Lander Castro, 2021) 8’España
Estrea en Galicia– Nai esperta en metade da noite debido aos ruídos que proveñen da habitación da súa filla Ángela. Ao chegar alí dáse conta de que a súa filla non se comporta de maneira normal
Sprötch (Squish!) (Xabier Seron, 2020) 20’ Bélgica
Estrea en España – Flo vaise a Marrakech por traballo. Polo que Tom é quen ten que coidar a Sam, o seu fillo de 5 anos. Flo déixalle unha lista completa de tarefas pero Tom esquécese das clases de guitarra de Sam, que xoga co fillo dun estraño veciño. De súpeto, entre présas, o coche de Tom esmaga algo.
Surprise Robbery (David Garay, 2021) 3’ Chile
Estrea en España – Mentres as torres de cristal brillan no alto da cidade, abaixo, un Home De Negro leva un maletín, e non lla dado conta que un Suxeito Vestido De Azul está a seguilo. De forma paralela, polas rúas próximas, un Terceiro Home comeza andar en bicicleta.
La penumbra (Dani Viqueira, 2020) 15’ Galicia
Laura estuda para as oposicións da súa especialidade médica. Non ten tempo para atender ao seu hipocondríaco marido nin para pelexar co seu fillo. Pero cando todo se volve escuro e Laura entra na penumbra, todo o que terá será tempo.
2º SESIÓN- XOVES 21 OUT 22:00h
Dora (Joanne Delachair, 2020) 15’ Francia
Estrea en España- Dora cumpre 16 anos. Empeza a comer moitísimo e encérrase cos seus amigos durante horas ao redor de algo estraño e descoñecido, o que pon enferma á súa nai.
Le secret de cassandre (Lionel Vania Arazi, 2021) 12’ Francia
Estrea en España – Neste mundo, a xente ten seis dedos nas súas mans. Cassandre só ten cinco … Cassandre, unha nena de 6 anos, está hospitalizada porque é “diferente” … Ela camiña entre a súa imaxinación e a realidade …
Tranvía (Carlos Baena, 2021) 9’ España
Estrea en Galicia – Unha viaxe normal dunha pasaxeira convértese nun rápido descenso cara ao terror a bordo dun misterioso tranvía.
Viva el Pueblo! (Nicolás Torres Payán, 2020) 13’ Mexico
Estrea en España– Un neno e o seu burro máxico axudan a restablecer a orde esnaquizada dun pobo.
Good Night Mr. Ted (Nicolas Gastón, Sole Allgnani, 2021) 11’ España
Estrea en Galicia – Cando cae a noite, un oso Teddy debe protexer ao seu pequeno dono do horror que axexa nas sombras.
The Repeater (Grete Suarez, 2021) 18’ España
Estrea en Galicia – Un antenista ten que subir a unha montaña para reparar unha antena repetidora danada. O que comeza como unha tarefa sinxela convértese nunha ardua viaxe en bucle que lle fará reformularse unha das decisións máis importantes da súa vida.
Dharma Bums (Francesco Catarinolo, 2021) 15’ Italia
Estrea en España – A primeira vista Daisuke é só un vagabundo xaponés sucio e desnutrido. Pero en realidade leva consigo o peso de mil vidas pasadas nunha encrucillada a medio camiño entre a realidade cotiá e unha dimensión mística, fóra do tempo e o espazo, na que é un Ronin obrigado a unha deriva física e espiritual sen fin. A súa loita contra o mal levaralle a tomar unha decisión radical camiño á redención.
3º SESIÓN- VENRES 22 OUT 20:00h
Mi condición (Coke Arijo, 2021) 10’ España
Estrea en Galicia – Regresar a casa pola noite e soa non é prato de bo gusto para ningunha muller. Tampouco para Sofía, que debe esperar na parada a que chegue o seu autobús. Cando un canso profesor de arte chega prodúcese entre eles unha conversación na que ninguén é quen di ser.
Cutter (Dan Repp, Lindsay Young, 2021) 16’ USA
Estrea en España – Unha adolescente en recuperación polas feridas dun cutter e a súa prepotente nai son perseguidas por unha pantasma que trata de mantelas en desacordo.
Cuore di strega/Corazón de Bruja (Marco Baroni, 2021) 8’ Italia
Estrea en España – Idade Media, a caza de bruxas está fóra de control en Europa, un home acusado de bruxería refúxiase desesperadamente no monte, pero o perigo real do que debe fuxir é unha sinistra lenda, máis ameazante que a realidade.
Bonne Nuit Petite Tomate (Cyprien Nozières, 2020) 10’ Francia
Estrea en España – Nunha horta pacífica, a nai dun pequeno tomate desacougado por un susto nocturno cóntalle o terrible destino dun coitelo e como o seu desexo de violencia provocou a súa perda.
Siren (Christopher Beaubien, 2020) 16’ Canadá
Estrea en Galicia – Conducindo por unha estrada a última hora da noite, April e a súa combativa amante Brooke son arrestradas por dúas sinistras policías. Durante un estrano e aterrador interrogatorio, as dúas mulleres atópanse baixo o poder dunha forza sobrenatural que cambia todo o que saben sobre si mesmas.
Le petit tailleur (Dazin Léo, 2021) 17’ Francia
Estrea en España – “Por que fedes así?” “Cadáveres”. “Cadáveres … Estás de broma?” “En absoluto, compróbao por ti mesmo”.
Pasaia (Xanti Rodríguez, 2021) 8’ España
Estrea en Galicia – Unha fina liña separa a vida da morte. Hoxe, Gotzon, entre grolo e grolo de whisky e rodeado da particular fauna do seu bar habitual, percorre as sinistras pasaxes que as comunican, guiado polas habilidades máxicas de Ixabel e o seu crucigrama.
El sueño de los perros (Dídac Gimeno, 2021) 14’ España
Estrea en Galicia – Cae a noite no ermo. Esther tenta salvar ao seu fillo César, que foi atacado por unha criatura da noite. Pero o rapaz desaparece e Esther vai á súa busca cos seus cans de caza e a súa ballesta.
4º SESIÓN- VENRES 22 OUT 22:00h
A moza da bufanda vermella (Martín Caínzos Sanmartín, 2021) 20’ Galicia
Premier Mundial – Miaojing, unha estrana muller chinesa é interrogada nun pequeno pobo de Galicia por un crime fóra do común no cal se viu involucrada dalgunha forma. Ao contar a súa historia, Miaojing pon a proba os límites do que a policía cre que é real e fantasía.
Deep Learnig Death (Thorsten Fleisch, 2021) 15’ Alemaña
Estrea en España – Vilmos e o seu pai constrúen unha IA á que educan co peor do ser humano, desenvolvendo ésta un perigoso gusto pola morte.
La matanza del Babyface (Miguel Varela, 2021) 3’ España
Estrea en España – Un director de cinema soña con rodar un auténtico ‘slasher’ e conta con todo o necesario: un coitelo, litros de sangue falso e a repartición perfecta. Stacey e Susan pasarán unha agradable velada no monte até a aparición de Babyface, un inquietante estrano con máscara de bebé.
La última navidad del universo (David Muñoz, Adrián Cardona, 2020) 14’ España
25 de decembro do ano que vén. A humanidade foise ao carallo e só uns poucos sobreviven coméndose entre eles. Santa Claus vén traer xoguetes, pero nun mundo sen nenos bos, tocará usalos como armas mortais.
Occurrences of Questionable Significance (Dave Lojek, 2020) 9′ Polonia
Estrea en Galicia – Cando os animais do monte invaden as nosas cidades, o mundo é xa un desastre. Adictos ao consumo, ao erotismo, e outros vicios, unha serie de curiosos personaxes ofrecerannos unha visión dun futuro surrealista e absurdo.
Escalation (Christian Bachini, 2021) 15′ Italia
Estrea en España – No medio da pandemia do COVID-19, Chris, un tipo paranoico e egocéntrico goza da ausencia de contacto humano, preferindo fuxir da realidade a través da TV. Enfrontado a si mesmo debe decidir que clase de persoa hai no seu interior, ou poida que a coma…viva.
Carnaza (Manolito Motosierra, 2021) 19′ España
Estrea Mundial – Un tipo moi perturbado ten unha aberrante maneira de pasar o tempo. Torture porn na súa máxima expresión.
